NƏZƏRİ, KLİNİK VƏ EKSPERİMENTAL MORFOLOGİYA JURNALI

Jurnal haqqında

Nəzəri, Klinik və Eksperimental Morfologiya Jurnalı Anatomlar, Embrioloqlar və Histoloqlar Cəmiyyətinin 2018-ci ildən etibarən dərc edilən resenziyalı jurnalıdır. Cəmiyyət əsasən Azərbaycanda fəaliyyət göstərən anatomlar, embrioloqlar və histoloqları birləşdirsə də, onun dünyanın digər çoxsaylı ölkələrindən olan üzvləri də vardır. 

Jurnal anatomiya, histologiya, sitologiya, embriologiya, neyroanatomiya, fiziki antropologiya, biomexanika, patoloji anatomiya, molekulyar və immunoloji patologiya, xəstəliyin modelləşdirilməsinin aktual məsələləri və digər aidiyyəti sahələrdə aparılan nəzəri, klinik və eksperimental tibbi araşdırma və tədqiqatların müzakirəsi üçün yaradılmış beynəlxalq platformadır. Bu növ elmi platforma Azərbaycan və digər ölkələrin alimləri və tədqiqatçılar, tibb mütəxəssisləri arasında nəzəri, kliniki və eksperimental təbabətin bu gün və sabahını formalaşdıran aktual və əhəmiyyətli məsələlərinin müzakirəsi məqsədi ilə təsis edilib.